دليل استخدام فرصة — كل مميزات التطبيق

منصة توصيات للبورصة المصرية بتشتغل على ثلاث محاور:

• ماسح آلي بيراقب أسهم قائمة المراقبة لحظيًا، يرصد الاختراقات المؤكدة بالسيولة، ويدير كل توصية بوقف خسارة وهدفين.
• محفظة شخصية — إنت بتنضم للتوصية بمبلغك وسعر دخولك الحقيقي، والنظام بيتابع صفقتك إنت ويحسب ربحك والتطهير.
• تنفيذ آلي اختياري عند الوسيط عن طريق إضافة المتصفح (Chrome أو Firefox) — لتوصيات فرصة، ولـ أوامرك المشروطة إنت (تشتري وتبيع عند أسعارك).
• مساعد فرصة — زر «اسأل فرصة» العائم في كل الصفحات بيجاوب على أسئلتك عن المنصة في أي وقت.

إنشاء الحساب

اسم المستخدم (٣ أحرف على الأقل)، الاسم ورقم الموبايل (اختياريين)، وكلمة المرور (٦ أحرف على الأقل)، ولازم توافق على إخلاء المسؤولية وشروط الخدمة عشان الحساب يتعمل. بعد التسجيل بتروح على صفحة المعاينة المجانية مش على التطبيق مباشرة.

تسجيل الدخول واستعادة كلمة المرور

• الدخول بـ اسم المستخدم أو البريد الإلكتروني أو رقم الموبايل — أي واحد منهم.
• نسيت كلمة المرور؟ من صفحة الدخول اضغط نسيت كلمة المرور واكتب بريدك — بيوصلك لينك تعيين كلمة جديدة. لازم يكون بريدك متسجل في ملفك الشخصي؛ غير كده كلّم الدعم.
• الملف الشخصي (من قائمة حسابك فوق): تعدّل اسمك وموبايلك وبريدك وتغيّر كلمة المرور.
• رسالة «الحساب موقوف» معناها إن الحساب متعطل من الإدارة — تواصل مع الدعم.

التجربة المجانية (٥ أيام تداول)

اضغط ابدأ تجربة ٥ أيام تداول مجانًا — بتتفعّل فورًا، وبتستخدم مرة واحدة بس لكل حساب. المدة بتتحسب بجلسات البورصة الفعلية (الأحد–الخميس بدون العطلات)، وبتنتهي مع نهاية خامس جلسة.

الاشتراك

إضافة التداول الآلي

• مع الاشتراك: بعد ما تختار الباقة علّم أضف التداول الآلي — الشهري + الأتمتة = ١٨٠٠، الربع سنوي + الأتمتة = ٤٨٠٠، في تحويل واحد. مدة الأتمتة نفس مدة الباقة.
• في أي وقت بعدين: لو اشتراكك المدفوع فعّال، صفحة «اشتراكي» بتعرض كارت أضف التداول الآلي — اختار شهر أو ٣ شهور. (التجربة المجانية ما ينفعش تتضاف عليها.)
• المدة بتبدأ من لحظة موافقة الإدارة وبتخلص بعد ٣٠ / ٩٠ يوم بالظبط، وبعدها التنفيذ الآلي بيقف تلقائيًا لحد التجديد. التجديد وهي لسه فعّالة بيبدأ من نهاية المدة الحالية.
• لو اشتراكك الأساسي خلص قبل الأتمتة، الأتمتة بتتوقف مؤقتًا لحد تجديد الاشتراك (ومدتها بتفضل تعد) — الأفضل تختار مدة الأتمتة نفس مدة باقتك.

الدفع

1. حوِّل المبلغ عبر إنستاباي للحساب elgohary-ca@instapay — أو امسح الكود ده من تطبيق إنستاباي.
2. صوّر إيصال التحويل (سكرين شوت).
3. اكتب اسم/حساب المحوِّل، أرفق الصورة (صورة فقط، أقل من ٥ ميجا)، واضغط إرسال طلب الاشتراك.

الطلب بيفضل «قيد المراجعة ⏳» لحد ما الإدارة تقبله — ساعتها بيتفعّل من لحظة القبول لمدة الباقة وبيوصلك إشعار. ولو اترفض بيوصلك سبب الرفض. وجدول «طلباتي السابقة» بيعرض كل طلباتك وحالتها.

إزاي التوصية بتتولد؟

المحرك بيفحص كل سهم كل ٥ دقايق أثناء الجلسة، والتوصية ما بتتفتحش غير لما الشروط الثلاثة تتحقق مع بعض:

وكمان: توصية واحدة للسهم في اليوم، والدخول لازم يكون قريب كفاية من الوقف، والهدف القريب ما يقعش على القمة التاريخية مباشرة (عندها حوائط بيع حقيقية).

الوقف والأهداف

• الوقف: تحت قاع شمعة الاختراق بهامش — والقاع بيتثبت لحظة ما شمعة التأكيد (نص ساعة) تقفل، فأي هبوط جوه الشمعة اللي لسه بتتكوّن ما بيوسّعش الوقف. لو القاع قريب أوي (جوه الحركة الطبيعية للسهم) بينتقل لـالقاع الرئيسي للقاعدة. ولو مفيش وقف منطقي جوه حد المخاطرة → التوصية ما بتتفتحش أصلًا؛ النظام عمره ما بيخترع وقف ضيق وهمي.
• الأهداف: عند مقاومات سابقة السهم ارتد منها فعلًا، بهامش تحتها عشان تتنفذ قبل حائط البيع. لو السهم في قمم جديدة بترجع لنسب العائد/المخاطرة.
• النسبة الموصى بها = مخاطرة ثابتة ÷ مسافة الوقف — يعني وقف أوسع = مبلغ أقل تلقائيًا.

إزاي التوصية بتتقفل؟

قاعدة «الوقف بالفوليوم»

لمس الوقف لوحده مش كفاية. النظام بيقيس السيولة من لحظة لمس الوقف لحد دلوقتي — لو مفيش بايع حقيقي، التوصية بتفضل مفتوحة وبتظهر بعلامة ⚠ لامس الوقف — مستني تأكيد بايع، وبتختفي لوحدها لو السعر رجع فوق الوقف. ومفيش استثناء للكسر العميق: حتى لو السعر نزل كتير تحت الوقف، الإغلاق لازم يتأكد بالفوليوم.

الانضمام لتوصية

اضغط انضمام وهتظهر نافذة فيها النسبة الموصى بها والمبلغ المقابل من ميزانيتك، وتدخل فيها:

• سعر دخولك الفعلي — افتراضيًا سعر التوصية، عدّله لسعر تنفيذك الحقيقي.
• المبلغ أو عدد الأسهم (مربوطين ببعض تلقائيًا).

الانضمام هو أول دفعة — تقدر تكمّل الشراء بعدين على دفعات من «محفظتي» (شراء)، وتبيع جزء أو الكل (بيع).

الشراء والبيع على دفعات

• الشراء على دفعات: كل دفعة بتتسجل «شراء إضافي» في سجل المحفظة، ومركزك بمتوسط تكلفة واحد — النافذة بتوريك المتوسط الجديد قبل التأكيد.
• البيع الجزئي: الربح بيتحسب على الكمية المباعة (سعر البيع − متوسط الدخول) وبيتجمّد فورًا مع تطهيره، والباقي بيفضل متابَع بنفس الوقف والأهداف. في الجدول: «✂️ اتباع X سهم · محقق Y».
• الإغلاق النهائي لصفقة فيها بيع جزئي: الربح الكلي = مجموع كل البيعات، ونسبة الصفقة = الربح الكلي ÷ إجمالي اللي دفعته.
• بعد أول شراء أو بيع جزئي، تعديل سعر الدخول أو المبلغ يدويًا بيتقفل — غيّرهم من «شراء» و«بيع». الوقف والأهداف بتتعدل عادي.

ملخص محفظتك في نفس الصفحة

فوق الجدول: شريحة الميزانية (مطوية — اضغطها لتعديل ميزانية أي نوع) وبطاقات محفظة التبويب الحالي (الميزانية، المستثمر، المتاح، القيمة السوقية، الربح المحقق وغير المحقق، نسبة الربح، التطهير). استثماراتك طويلة الأجل بتتدار من هنا — تبويب «استثماراتي طويلة الأجل».

«مغلقة من النظام» — أهم مفهوم في الصفحة

لما المحرك يلاقي شرط خروج اتحقق على مستوياتك إنت، هو مش بيقفل الصفقة. بيعلّمها «مغلقة من النظام» ويوريك السبب والسعر ويبعتلك إشعار — والقرار ليك:

• تأكيد الإغلاق ← نافذة البيع بتتفتح على «بيع الكل» بسعر النظام (تقدر تعدّله أو تبيع جزء بس)، والربح والتطهير يتحسبوا.
• استمرار ← العلامة تتشال وتفضل مفتوحة، والمتابعة ترجع من اليوم التالي (مش هتتعلّم تاني نفس اليوم).

التوصيات الشخصية

تقدر تضيف صفقتك الخاصة (مش من توصيات التطبيق) وتتابعها بنفس المحرك: النوع (يومية بمتابعة كاملة / طويل الأجل)، السهم، سعر الدخول، الوقف والأهداف والمبلغ. لازم السهم يكون في قائمة المراقبة عشان المحرك يشوف أسعاره — ولو السهم موقوف بيتقال لك إن المتابعة الآلية مش شغالة عليه. للمشتركين

الميزانية هي المدخل الوحيد — ولكل نوع توصيات ميزانية مستقلة في عرض واحد: 📊 التوصيات اليومية · ⚡ التوصيات السريعة T0/T1 · 📈 الاستثمار طويل الأجل (وتفضيل المخاطرة اختياري). المبلغ الموصى به على كل توصية بيتحسب من ميزانية نوعها، والشريحة بتفضل مطوية في «محفظتي» بعد ما تتحدد. كل الأرقام التانية محسوبة من صفقاتك.

تبويبات يومية / سريعة / طويل الأجل — كل تبويب بيعرض بطاقات ومحفظة نوعه:

سجل المحفظة بيسجل كل حركة بتاريخها: 🟢 شراء · 🟢 شراء إضافي · 🔴 بيع · ✂️ بيع جزئي (بالربح والتطهير والكمية المتبقية) · 💼 ميزانية التوصيات اليومية · ⚡ ميزانية التوصيات السريعة · 📈 ميزانية طويل الأجل (بالقيمة القديمة والجديدة).

فحص قيمة على أسهم قائمة المراقبة — لازم كل المعايير تتحقق:

السهم اللي ناقصه أي مدخل بيتخطى بسبب مكتوب — النظام عمره ما بيخمّن رقم ناقص. والعائد المتوقع بيتاخد من القيمة اليدوية لو الإدارة دخّلتها، وإلا بيتقدّر من (١٠٠ ÷ P/E) + نص نمو الإيرادات. كل سهم ناجح بياخد درجة من ١٠٠ ومستوى مخاطرة، والترتيب بالدرجة.

التوصية الناتجة: الدخول = السعر الحالي · الهدف = آخر قمة · الوقف اختياري (افتراضيًا ٢٠٪ تحت الدخول) · التخصيص الموصى به = نسبة من ميزانية الاستثمار طويل الأجل.

الصفحة نفسها

فوق: إحصائيات التوصيات طويلة الأجل نفسها (مش محفظتك): عدد المفتوح وكام منهم على ربح، نسبة النجاح ومتوسط الصفقة المغلقة، متوسط المفتوح لحظيًا، متوسط العائد السنوي المتوقع، متوسط البعد عن القمة، متوسط نمو الإيرادات وP/E، توزيع المخاطرة، إجمالي التخصيص الموصى به (والمبلغ المقابل من ميزانيتك)، والتطهير.

وتحتها كارت لكل فرصة بفلاتر الكل / مفتوحة / مغلقة / استثماراتي (استثماراتي = الفرص اللي انت داخل فيها بس) + مخاطرة وترتيب. الكروت اللي انت مستثمر فيها بتوريك مركزك وفيها شراء إضافي وبيع.

صفقات يوم أو يوم تالي بأهداف صغيرة. التوصية ممكن تطلع في أي وقت في الجلسة لحد ٢:٢٠ ظهرًا (قبل النهاية بعشر دقايق) لو شروطها اتحققت، والمحرك بيفحص كل دقيقتين.

فلتر الاتجاه: السهم صاعد بين ١٪ و٤٪ عن إقفال أمس (وفوق افتتاح الجلسة لو الافتتاح معروف) — أقل من كده فوليوم من غير حركة، وأكتر جري ورا قمة مستهلكة.

الأسهم المسموحة: بس المؤهلة للتداول في نفس الجلسة (T+0) حسب تصنيف البورصة، وسعرها جنيه أو أكتر، ووحدة التسعير فيها مش كبيرة بالنسبة للسعر، وسيولتها اليومية بالجنيه كفاية.

المستويات: هدف ٢.٥٪ فوق الدخول ووقف ٢.٥٪ تحته، متقرّبين على وحدة تسعير البورصة. الوقف بينفَّذ بتأكيد الفوليوم زي اليومية: لمس الوقف من غير بايع حقيقي ما يقفلش. المخاطرة دايمًا مرتفعة، وتوصية واحدة للسهم في اليوم.

اربط حساب التداول بتاعك بإضافة المتصفح — من متجر Chrome الرسمي (كروم وEdge وBrave) أو من صفحة الإضافة على موقع Mozilla لمستخدمي Firefox — وحدد ميزانية لكل نوع توصيات — والتوصية بتتحول لأمر حقيقي عند الوسيط تلقائيًا. البيع التلقائي مفتاحين منفصلين: بيع تلقائي عند الهدف (أمر بيع قائم بسعر الهدف من لحظة الشراء) وبيع تلقائي عند الوقف (الأمر بيتعدّل لمستوى الوقف لو اتضرب).

الصفحة = بطاقة حالة (شغال/مقفول، الوسيط، الأنواع المفعّلة) + ثلاث تبويبات: توصيات فرصة · أوامري المشروطة · سجل التنفيذ.

أوامري المشروطة — أوامرك إنت مش توصيات التطبيق: «اشترِ السهم لما السعر يوصل كذا»، بيع جزء عند هدف، وقف خسارة، و«حفظ الربح» (وقف متحرك تحت أعلى سعر)، ووضع «بيع فقط» لسهم معاك بالفعل عند الوسيط. كل شرط بيتأكد في قراءتين متتاليتين للسعر قبل ما أي أمر يتبعت، وبتشوف الخطة مكتوبة وتأكد عليها قبل الإضافة. التفاصيل في دليل الأتمتة.

كل إشعار بيتسجل في مركز الإشعارات الأول (ومستحيل يتكرر)، وبعدين بيتبعت على تليجرام لو مفعّل. والصفحة بتوريك حالة الإرسال لكل إشعار: تم الإرسال ✔ / فشل ✖ / النوع غير مفعّل / غير مفعّل، وفيها فلاتر وزر «تعليم الكل كمقروء»، والضغط على الإشعار بيوديك للتوصية نفسها.

ربط تليجرام في ٣ خطوات

1. من إعدادات تليجرام اضغط 🔗 إنشاء كود ربط.
2. ابعت للبوت الرسالة /start الكود — الكود صالح ١٥ دقيقة (أو استخدم زر «فتح تليجرام ↗»).
3. البوت بيرد بتأكيد الربط، والإشعارات بتتفعّل تلقائيًا.

بديل: إدخال chat id يدويًا. وتقدر تختار أنواع الإشعارات اللي عايزها (ما تختارش حاجة = كل الأنواع مفعّلة)، تبعت رسالة اختبار، وتفصل الحساب في أي وقت — وللمتقدمين: استخدام بوت خاص بيك بدل بوت النظام.

جروب المشتركين

من نفس الصفحة (قسم «جروب المشتركين») اضغط اطلب لينك دخول — بيطلع لك لينك شخصي لجروب خاص بالمشتركين على تليجرام، وطلب انضمامك بيتوافق عليه تلقائيًا. العضوية مرتبطة باشتراكك.

• قائمة المراقبة مقصورة على الأسهم المتوافقة مع الشريعة حسب آخر قوائم مالية معلنة — الإدارة بتحدد القائمة وتحدّثها بناءً على مصادر الفرز الشرعي.
• لكل سهم نسبة تطهير محفوظة، والمبلغ = الربح المحقق × النسبة.
• الصفقة الخسرانة أو المتعادلة = صفر تطهير. والسهم اللي نسبته غير معروفة بيظهر فاضي — مش صفر، عشان ما يضللكش.
• التطهير بيظهر تقديري على الصفقات المفتوحة (لو بعت دلوقتي)، ومستحق ومجمّد بعد الإغلاق.

كل المواعيد بتوقيت القاهرة، أيام التداول (الأحد–الخميس). الجلسة ١٠:٠٠ ← ٢:٣٠.

ليه التوصية لسه مفتوحة رغم إن السعر لمس الوقف؟

لأن مفيش بايع حقيقي بالفوليوم عند الوقف — بتظهر بعلامة «لامس الوقف — مستني تأكيد بايع»، ولو السعر رجع فوق الوقف العلامة بتختفي لوحدها.

عدّلت أسعاري — المتابعة هتشتغل على إيه؟

على أسعارك إنت. النظام بيتابع كل صفقة على مستوياتها، مش على مستويات التوصية الأصلية.

الإدارة عدّلت التوصية بعد ما انضممت — صفقتي هتتأثر؟

لا. صفقتك محتفظة بنسخة مجمّدة من بيانات وقت الانضمام، وحساباتك ما بتتغيرش.

ليه صفقة اتعلّمت «مغلقة من النظام» ومتقفلتش؟

عشان قرار البيع ليك. أكّد الإغلاق أو اختار الاستمرار — ولو اخترت الاستمرار، المتابعة بترجع من اليوم التالي.

التوصيات السريعة ليه بتقف بدري؟

التوصيات السريعة بتطلع لحد ٢:٢٠ ظهرًا (قبل نهاية الجلسة بعشر دقايق). توصيات مزاد الإغلاق (٢:١٥–٢:٢٠) بتلحق المزاد لأنه بيقفل بين ٢:٢٣ و٢:٢٥، وبعده المستويات بتتعاد على سعر الإغلاق الرسمي. مسار اندفاع الافتتاح متوقف من ٢٦ سبتمبر ٢٠٢٦ بعد ما المراجعة لقته خسران بعد العمولات.

هل التداول الآلي داخل في الباقة الشهرية؟

لا. التداول الآلي إضافة منفصلة: ١٥٠٠ جنيه / شهر أو ٤٠٠٠ جنيه / ٣ شهور — تضيفها مع اشتراكك أو في أي وقت أثناءه. بتبدأ من موافقة الإدارة وبتقف تلقائيًا بانتهاء مدتها.

عايز أشتري أو أبيع سهم تلقائيًا عند سعر أنا محدده؟

من التداول الآلي ← أوامري المشروطة (محتاجة إضافة التداول الآلي مفعّلة) — التفاصيل.

نسيت كلمة المرور؟

من صفحة الدخول «نسيت كلمة المرور» ← اكتب بريدك ← هيوصلك لينك التعيين. لو مفيش بريد في ملفك الشخصي، كلّم الدعم.

إزاي أحلل سهم معيّن؟

من صفحة «التحليل» أو أيقونة البحث العائمة: اكتب كود السهم أو اسمه — بيتفتح الشارت بالفريمات والمؤشرات وأدوات الرسم، ولو على السهم توصية مفتوحة بتظهر مستوياتها.

فين أعرف الدعم والمقاومة لسهم؟

من صفحة «الدعم والمقاومة»: جدول بكل أسهم قائمة المراقبة. الرئيسي = مناطق السعر احترمها على مدى كل الجلسات المتاحة، والثانوي = مناطق آخر ٦٠ جلسة (في حدود ١٥٪ من السعر). جنب كل مستوى المسافة من السعر الحالي وقوته (●●● = ارتد منه ٣ مرات أو أكتر). المقاومة المكسورة بتبقى دعم والعكس، ولو مفيش مقاومة فوق السعر بتظهر القمة التاريخية. فلتر «📌 عليها توصية فرصة» بيطلّع الأسهم اللي عليها توصية مفتوحة، والأدمن يقدر يبعت الأسهم المعروضة لقناة التليجرام. اضغط على أي سهم لفتح الشارت. معلومات فنية آلية مش توصية.

محتاج مساعدة؟

أسرع حاجة: زر «اسأل فرصة» العائم في أي صفحة. وكمان جروب الدعم على تليجرام: الدعم على تليجرام — أو صفحة «الشروط» قسم التواصل.

مش شايف المبلغ الموصى به؟

حدد ميزانية نوع التوصية (يومية / سريعة / طويل الأجل) من شريحة «ميزانية الاستثمار» في «محفظتي» — كل النسب الموصى بها بتتحول لمبالغ من ميزانية النوع.